CARME

Esta persoa ao principio parecíame estrita, quizais polos rasgos de cara moi marcados que tén e unha mirada que tiña a capacidade de falar no silencio da boca, pero co tempo cambiei de opinión; é moi riquiña e o seu espírito xuvenil quítalle unhas cantas primaveras. Polo seu aspecto físico non parece ser do lugar que é, a pel pálida moi sensible ao sol que se queima cos primeiros raios de Lourenzo, e tampouco o seu xeito de falar, confirman a súa orixe. Ten o pelo curto e escuro, liso con pequeno fleco, os ollos marróns abertos ao mundo sen lentes e un nariz fino e recto. É bastante alta se a comparo co resto da poboación da mesma nacionalidade. Vístese dunha forma sinxela e cómoda, a roupa que se pon máis a miúdo son os vaquieros ou pantalóns, blusas ou camisetas e unha chaqueta. As cores da súa vestimenta non che chaman a atención. Non adoita levar sortellas, como moito un reloxo. É moi intelixente e gústalle compartir todo o que sabe cos demais. Érguese cedo, sempre chega a tempo e fainos falar e xogar á primeira hora da mañá cando o único que nos apetece é voltar ás nosas casas e descansar outro pouco, pero no canto de facer iso temos que poñernos as pilas e espelirnos para atopar as nosas parellas sinónimas antes de que se acabe o tempo permitido para o relax...

Paulina (Chequia)